منتديات العهد كوم

::: إعلانات الموقع ::: منتدى اسلامي ثقافي اجتماعي شبابي رياضي ::: إعلانات الموقع :::
 
الرئيسيةالبوابةاليوميةمكتبة الصورس .و .جبحـثقائمة الاعضاءالتسجيلدخولتسجيل دخول الاعضاءمنتديات العهد نت

شاطر | 
 

 مجموعة من الشعراء من اروع ماكتب من الأبوذيات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
الاوسمة


عدد المساهمات : 181
تاريخ التسجيل : 16/08/2010
الموقع : [img]http://up.arab-x.com/Jan11/TR245853.gif[/img]

مُساهمةموضوع: مجموعة من الشعراء من اروع ماكتب من الأبوذيات   الثلاثاء فبراير 08, 2011 3:33 am

[center]
السلام عليكم
حبيت انقل للمنتدى مجموعه حلوه
من الأبوذيات والومضات الجميله والروووووووووعه
اتمنى ان تنال رضاكم






(الأبوذيات)






مجانك طاغي وحتل كل جاني
كمت احسد الشامت كل بجاني للشاعر
عانكتك وشعرك كل بجاني
نوجد عذري بعد شيفك اديه
رائد ابو فتيان


العمر ياصاح من هجرك تمرمر
بدليلي سهام شماتي تمرمر
أنشدك هم كبل ضايك تمر مر
التمر مر بغيابك مر عليه
للشاعر رائد ابو فتيان



ماظل كل عظم صاحي دهدهن
تجرجر بالمصايب شو دهدهن
ولك دمعات البعينك دهدهن
عليمن حابس دموعك خطيه
منقول




غيابك خلل اعضامي وهدهن
وجر حسرات ببعادك وهدهن
الي دمعات لو أبجي وهدهن
تفيض اليابسه ونغرك سويه
منقول



مثل ماي شيكضك وانت جاري
وبس ماشي اليودك وانت جاري
تعذبني بمحبتك وانت جاري
واظن رب العرش وصاك بيه
منقول



وحق أية تبارك وأنتنازل
وحق مصة أشفافك أنت نازل
اذا بغداد دارك وانت نازل
أسويلك سحر وترد اليه
منقول



حزن دنياي تمطر ماصحتلي
وردت فرصه اشوفك ماصحتلي
وكفت اكبال عينك ماصحتلي
صحتلك مادرت وجهك عليه

منقول



سوالف راحن ابالي وجن حين
وحيل اتسودن بحبك وجن حين
كلب طير ارتجي من الله وجن حين
اطيرن ليك بيهن كل مسيه
للشاعر ميثم فالح



رفعت اعلام حبنه فالسرايه
وهزمت جيوش خوفي فالسرايه
قره القرأن كلبي فسر أيه
ولكاك تجوز دنيه ودين بيه
للشاعر عدي العكيلي



ينادر تكتل بطبعك وندراك
ويمته الطيبتك نوصل وندراك
أخو للكلفه اعرفنك وندراك
ذخر للدنيه من اتميل بيه
منقول



هواء انت بغيابك قل هوه الله
أحبك كلمه حلوه قله والله
اذا لم تقل أقرا قل هوه الله
مع الحمد لكي انهي القضيه
نبراس الساعدي



حرت ين الاتاني ماتاني
ومو ميه الشماته ماتاني
اتاني والاريده ماتاني
اجه المارايده وغف عليه
للشاعرعبد الحسين الحلفي



رمش عيني اعله دربك شفته كالناس
وانه بلا ناس شفتك شفته كالناس
احذر لون است شفتك الناس
اليموت بركبتك تبقه الخطيه
للشاعر نبراس الساعدي



دمع وحزان حبك هيج أذاني
والك مجبور اكضلك هيج أذاني
تدري انه من اصلي هيج أذاني
أشهد ان حبك مو بديه
للشاعر عبد الحسين الحلفي


عجب تنكر اطلبك وانه دينك
تعال اوكف اكبالي وانه دينك
اذا حبي اللهاك وانه دينك
تشرك بس تح واحد عليه
منقول



أصيله الروح تنشد من خيالي
وافز مرات اخافن من خيالي
شكثر حاولت احذفك من خيالي
خيالي انحذف وانت الهسه بيه
منقول



ماشفتك لجن ذني كفن بيك
رسم بالنحت الوجهك كفن بيك
بياضك هذا لو كلي كفن بيك
أحس اثنينهن تاهن عليه
للشاعر علي نجم



نحب شخصك اذا مريت ونجل
وعلينه شهود الك توراة ونجل
جذب ماون عليك الكلب ونجل
وتيتم جيل من فركاك اليه
للشاعر سعود الخفاجي



عضامي من برود البك صليت
وعلى راسي نار الغطه صليتدرت
وجهك عليه وكمت صليت
يحسنك تيهه القبله عليه
للشاعر عداي السلطاني







(الومضات)



حاولت أرسمله صوره بكل مكان
وبيدي هاي انه ارسمت هل الصوره
للشاعر سعود الخفاجي

يضحك بوجه اليشوفه ومن اجيه
يهز اديه وعني وجهه يدوره





خاويت النفس جي ماحمل اه
وماون وفضحني ويه المأسي
كبل صاحبت راسي كلت ارتاح
طلع راسي جذب نايم براسي
للشاعر علي ال جعفر




عفتك الشمس حتى اسمر تصير
وعيون العواذل تكطع النظره
رديت ارد اشوفك من وصلت الكيت
وجهك ماتغير والشمس سمره
منقول




أدك باب كلبك صارلي هواي
تطلع شوفه ياهو شوفه شيريد
اذا ابقه ادكن أكسر الباب
وعليك انه اطب اتريد متريد
منقول




كمت اغار هواي من عندي عليك
واي جزء بيه عليك يعاني
ولأن يحجي هواي وياك اللسان
كمت اسولفلك بدون الساني
للشاعر عبد الحسن الحلفي



شيجيبك يباجر والتقي وياك
وشيلنك كلب مابين الضلوع
واذا باجر اجه وماجابك وياه
اكض باجر وشيلنه من الاسبوع
للشاعر سعود الخفاجي




شفناك وسكرنه بهاي شتكول
على هذا الامر نتحاسب هناك
الله يساعد الصيام عالصوم
مفاطير وفطرنه بيوم شفناك
للشاعر حامد الشمري




باجرمن تجي مو من وره الباب
وشكلك هم تجي وتحسبه جيه
اريدك من تجي تلزك على الباب
والاثوب لو تجي وتلزك عليه
منقول




عليك الكل ثابت قفل مقفول
اموت وما ادور عن بديلك
ماحب الصلاه بس كمت صليت
أصلي الخاطرك حتى اندعيلك
للشاعر عبد الحسين الحلفي




كوم صلي وأذكر الله بالصلاة
بلكت يلتفتلك لو كمت ربك
الله شيلتفت وأنت العصر
مريتخليت الضحايه مجطله بدربك
منقول





احنه مانطلب بعد منك تعود
وابد مانطلب بعد منك تحن
رايدين اترد كلبنه المات بيك
حتى يمنه احنه بكرامه يندفن
منقول




صاير يوديك ويجيبك كلام
تريد تخسرلك وفي ماين اديك
احنه مابيناتنه بس السلام
انه حاجي وياك حتى احجي عليك
للشاعر ميثاق الهلالي




لايجي كولوله ماظل يهه حيل
خلصن دموعي وبجيت اسنيني
جان يطلب وانه اكله بعيني هاي
بيعني هاي وحط اصبعه بعيني

للشاعر ميثاق الهلالي



عمر انه انتظرتك ليش ماجيت
جا يمته تجي وتشوف حالي ساهر الماني
لحظه من الوكت ماكدر انساك
ردت انساك شو جيت اعله بالي





انه لو كتلك اجي معناهه اجيك
وانت مامره كلتلي وجيتني
مره اذكر بالحلم كتلي تعال
واركض بنص الحلم خليتني
منقول




جمالك مو جمال مخبل الناس
وبس قاسو جمالك وي نبي يوسف
من شافك صفن ظل دايخ ومحتار
وظل يوسف يسولف وي نبي يوسف
ساهر الماني





اذا شمسين تطلع كارثه تصير
جمالك كلي هذا منين جبيته
اتفق ويه الشمس لدوخ الناس
لو تطلع شمس لو تطلع انته
منقول





انت يل حسنك خيال من الخيال
وصعب ان توصل جمالك صوره
ردت ارسمك صوره في روعه جمال
وانه ارسمك طاحت الصبوره

ساهر الماني




يفر ينه الوكت فرت نواعير
ورغم اجفاك بس ظلينه ننطر
صبر ايوب يمكن مو صبر جان
ولو مر بصبرنه بلحظه يكفر
ساهر الماني

أخذ ليلك بعد من ليلي يفلان
مامحتاجك تزيد ظلامه للشاعر
تعت الكرامه بعش
رتي وياك
تجي وتروح ماظلت كرامه
[/center]



الرجوع الى أعلى الصفحة اذهب الى الأسفل
http://mahdi.poeticforum.com
 
مجموعة من الشعراء من اروع ماكتب من الأبوذيات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات العهد كوم :: ::ღ● ♥ الاقــسام الادبــيــه ♥ ●ღ :: :: قسم الشعر الشعبي و الابداعات الأدبيه-
انتقل الى: